12/11/2009     星期四    

吉林 ---> 哈爾濱 ---> 東北虎林園 ---> 太陽島公園 ---> 防洪紀念塔 ---> 聖索菲亞教堂廣場

氣溫一天比一天凍, 今日只有零下十七度, 漫天風雪, 好浪漫

導遊姐姐話今年東北第一場風雪就比我地遇上都算夠運, 雖然大風雪會影響行程, 但對生長係香港既我黎講, 係百分百enjoy~

無冰雕, 睇冰燈, 一樣咁開心

8/11/2009     星期日    

下午四時半到達機場指定位置集合, 今次同行有Ray哥, Dicky, 杜生, 杜太, 其中有十位團友係杜太既朋友仔, 人多勢眾, 好熱鬧.

由香港直飛瀋陽, 需要三個半小時, 一出飛機已感受到寒氣迫人, 拿拿聲開喼搵番件羽絨, 導遊姐姐話氣溫只有零下七度, wooo...........

24/1/2010     星期日    

寶貝女思思, 七歲生日啦!!!!!!

今年好開心可以同型仔Ronald一齊慶祝, 令呢個爬地生色不少.

一早約左d老友去谷埔玩, 最重要比班老細舒展下筋骨, 跑跑大草地, 人狗都開朗d呀.

16-17/1/2010     星期六, 日    

等左好耐終於可以去風景勁靚既塔門camp啦!!!!!

呢到係露營既熱點, 每逢週末都會人頭湧湧; 今次好在有包包一早去霸位, 對住個咁舒服既無敵大海景, 又有個球場比佢地喪玩 真係爽呀.

天氣好, 心情更好 ~

每一個位影都咁靚!!!!!

1/1/2010     星期五         

Happy New Year~    話咁快又一年啦!!!!!

原本約左班朋友仔去嶂上camp, 但joe law第二日要開工, 唯有食完dinner漏夜趕落山, 嗚………

今次人多狗多, 玩得特別開心. 

5/12/2009     星期六    

今年開季camp camp地, 選擇西貢荔枝莊, 喜歡呢度交通方便, 水路可於馬料水坐船入, 需時大約一小時, 由碼頭到達營地只需五分鐘; 陸路可由白沙澳村行入去, 大約四十五分鐘, 路程平坦易行, 超舒服. 

一早坐船到達營地既有Liza, Junet, Yukie, 阿拔, 包包, 仲有放工入去既Ronald.

大約四點我同joe law自己行入去, 而歷盡艱辛既Winnie Fung & 格仔餅Eric八點幾到達.

21/11/2009     星期六    

今日下午去左Dr. Dog係奧海城露天廣場舉行既頒獎禮, 思思好榮幸可以得到銅章, 當然要出席啦!!!!

獎項主要分為 : 一年內探訪次數超過十次 - 銅章, 超過二十次 - 銀章, 超過三十次 - 金章, 仲有好幾位善心人士得到白金同鑽石獎, 好有愛心呢.

活動未正式開始, 好多狗狗已到場登記, 工作人員會先安排主人坐位, 再逐一上台領獎.

到思思啦, joe law仲開心過自己攞獎呀

31/10/2009     星期六    

~~~ Happy Halloween ~~~

帶左三隻馬騮出旺角麥花臣球場參加由民建聯舉辨既"萬聖寵物狂歡夜".

前一晚已為佢地準備好戰衣, 思思扮相較特別加上斯文淡定, 引來好多途人圍觀拍照, 有老有少, 有男有女, 忙個不停.

Joey咁大個女都無出過鬧市, 緊張到不得了, 全身不停抖震.  太郎一見有人摸佢就開心到典地, 使唔使咁high呀~

行左一陣有幾位工作人員讚思思做型好靚, 叫我地唔好走參加當晚狗狗扮野大賽.  果然得到獎wo~yeah, wo~yeah!!!!

24/10/2009     星期六       

今日要帶金仔玩個痛快, 二人四狗齊齊出發lu.

早幾日輾輾轉轉金仔黎左我家暫養, 第一次做暫養感受好深好矛盾.

一方面盡量抽時間train下佢, 希望增加被領養既機會; 另一方面又想錫佢多d, 給多一份溫暖, 但又擔心返入場時會令佢更失落. 

18/10/2009     星期日    

約左PJ Family去深涌, 好開心Joey可以同Jajumbo見面, 相隔兩年呢兩位同倉姐妹唔知仲認唔認得對方呢, 心情緊張.

joe law唔得閒我一拖三join埋大隊一齊由馬料水坐船, 第一次由水路入, 感覺好寫意.

落船只行十分鐘, 到達呢片綠悠悠既大草地

狗狗們各自各精彩