16/6/2009     星期二     

我同joe law參加左四日三夜既local tour去Banff, 因為好多朋友出力推介要去呢個地方, yeah, gogogo!!!!!

沿途經過Merritt, Kamloops

參觀Ginseng Farm製作工場

Eagle Pass, Last Spike

10/6/2009     星期三    

七點幾瞓瞓下聽到Captain廣播話有海豚出沒, joe law飛身出去, 但都係失望而回. 

起身覺得好寒, 原來四周已經被雪山圍住, 咁即係愈黎愈接近Hubbard Glacier, 拿拿聲梳洗好, 換上厚厚既衫同褲, 準備冰川之旅. 

記得上次去New Zealand - Fox Glacier係坐直昇機到某一段由專人帶領步行, 感覺好正仲好回味.

原以為今次同樣可以步行上冰川, 點知只係近距離望咋, oh..........唯有上Deck爭取最有利位置觀望同影相啦. 

7/6/2009     星期日    

一早已有過百名乘客在碼頭輪侯辦理登船手續, 由於我同joe law持特區護照, 入境時間比佢地高出幾倍, 要成村人等, 真唔好意思. 

終於登上 Celebrity Cruise "MERCURY" 今次既旅程係八日七夜, 會先由Vancouver, British Columbia ---> Sitka ---> Hubbard Glacier ---> Juneau ---> Ketchikan ---> Vancouver.  

4/6/2009     星期四    

呢個行程一年前已經plan好左, 點解咁早好似跨張左d喎, 皆因今次係我地四個family八個人既約定, 分別有主人家既三家姐同姐夫, 遠道由New York黎會合我地既大家姐同姐夫, 仲有姨甥女及男友, 要夾埋一齊去玩真係唔容易, 而且去Alaska既Cruise要半年前book定, 各方面都要配合.

期待左好耐既旅程快將成行, 對於未到過加拿大既我, 心情難免有d興奮.

8/8/2009     星期六     

成個月前plan定既扮野私淫派對, 終於舉行啦!!!!

今年又為年年25歲既joe law同美女廚神tata慶生, 我地班嘩鬼點會比佢地咁好過呀, 一定大有搞作.

由朗奴仔提供, 主題係"我最愛的職業", 點瘋狂發睇下就知.

~~~~~ SHOW  TIME ~~~~~

2/8/2009     星期日      

夏日炎炎, 陽光普照~~~~~~~~

有咩搞作???????

梗係去玩水啦!!!!!!!!!!

瘋人            :       8個 (有肥有瘦)
喪狗            :       11隻 (有老有亂, 有唐有番)
落腳點        :       西貢碧扇潭
好玩指數    :       頂.......頂.......頂.......點.......呀

25/7/2009     星期六    

25/7/2009     星期六         

18/7/2009     星期六         

好耐無入去錦田狗場探下班狗狗啦! 

每次入去都好親切, 未到門口遠遠已有幾隻PR狗出黎迎接, 感覺好好.  入場工作主要幫狗狗們沖涼, 餵雞條, 拖繩, 影相, 希望令佢地接觸多d人, 同感受下被人錫既感覺, 從而増加被領養既機會, .

呢到係Joey(發發)既娘家, 有時間希望多d黎幫手, 特別掛住係Joey既青梅竹馬兼隣居朋友仔"覺寶", 佢係一隻好活潑可愛既狗狗, 可惜仍未遇到有緣人.

17/7/2009     星期五     

今次由阿欣出力推介呢間位於元朗馬田路既"小金井"日本料理, 最吸引之處係十人以上, 可以安排一間無限時既房, 岩晒我地呢班傻人, 唔怕因為太喪太嘈, 騷擾到其他食客. 

初時抱住不防一試既心態, 點知食物質素相當好wor, 刺身夠新鮮, 熱食款色多又新, 有驚喜.  good~~~