24/10/2009     星期六       

今日要帶金仔玩個痛快, 二人四狗齊齊出發lu.

早幾日輾輾轉轉金仔黎左我家暫養, 第一次做暫養感受好深好矛盾.

一方面盡量抽時間train下佢, 希望增加被領養既機會; 另一方面又想錫佢多d, 給多一份溫暖, 但又擔心返入場時會令佢更失落. 

18/10/2009     星期日    

約左PJ Family去深涌, 好開心Joey可以同Jajumbo見面, 相隔兩年呢兩位同倉姐妹唔知仲認唔認得對方呢, 心情緊張.

joe law唔得閒我一拖三join埋大隊一齊由馬料水坐船, 第一次由水路入, 感覺好寫意.

落船只行十分鐘, 到達呢片綠悠悠既大草地

狗狗們各自各精彩

17/10/2009     星期六    

二零零七年七月某夜, 男場主執到三隻估計只有三個月大的唐狗bb, 其中兩隻啡色, 另一隻係白底帶少少啡, 樣貌極似一隻小狸貓, 好可愛.

場主為方便辨認取名為  :  中中, 發發(Joey), 白白(覺寶).

中中與發發係同胎姊妹, 中中入場無耐已被有心人睇中, 係第一隻被領養的幸運兒.

發發即小女Joey, 七個月大時無意中見到佢d靚女相而被吸引.  在無把握情況之下同joe law商量, 估唔到佢又同意養多隻狗狗, 但佢鍾情於覺寶, 各執一詞好難作出決定, 最終當然係我贏左啦!!!!! 

14/10/2009     星期三    

時間真係過得好快, 唔經唔覺太郎仔六歲啦!!!!  

佢既性格似乎無變過, 始終都係一隻出晒名既"頑皮仔" 及 "波怪".

呢幾日重溫太郎兒時既相, 由第一晚抱回家紮紮跳個樣到現在, 每次睇番都咁回味, 咁窩心.

有幸遇到呢隻曳仔, 令我地生活好充實, 好開心.

曾承諾過會親手做生日蛋糕, 早幾星期已跟食譜試左幾次, 終於比我成功左啦!!!! 

個滿足感大到呢, yoyoyo~~~~~~ 

4/10/2009     星期日    

中秋節翌日天氣好到不得了, 近近地帶左三隻馬騮上馬鞍山郊野公園走一趟.

呢到每次黎比我既感覺都好舒服好寫意, 由樓梯而上, 遠望風景好靚, 令人豁然開朗. 

由於路程頗短, 幾位少爺小姐似乎唔多夠, 唯有行多少少山路兼走多轉啦!!!!!

27/9/2009     星期日    

踏入九月天氣有少少涼, 但陽光充沛, 水仍是暖暖的.

今年度最後一個船河, 地點依然係南風灣. 

19/9/2009     星期六    

自從知阿欣將會搬入呢個700呎既村屋單位, 即係意味住我地又多個私竇, 真係勁開心.

唔係第一次上黎阿欣個新居, 但今次呢個house warming最窩心, 皆因有好美味既住家飯食, 特別有家既感覺, 正............

阿欣親自下廚, 十萬個唔好意思咁晏先到, 幫唔到咩手, 辛苦晒.

17/9/2009     星期四   

期待已久既林海峰talk show終於做啦, 有幸買到飛睇第一場, 好開心呢.

今次約埋包包, 甸ma, winnie一齊欣賞, 睇之前梗係要醫下肚先, 去左好近紅館既都會商場"又一店", 最愛呢到既小籠包皮薄餡靚.

27/8/2009     星期四    

安信姐妹又出動啦!!!!

感謝朗奴帶我地去左一間潛水用品店購物, 我唔識潛水只係想買件長袖防曬衫去玩獨木舟用, 果然係平靚正, 好滿意.

買完野一行七人, 當然又去密密食, 今次去好多食評都勁讚既"軍記", book左檯都要等, 好虛墟.

好多招牌菜, 樣樣都想試, 點揀呀.

青紅蘿蔔湯

16/6/2009     星期二     

我同joe law參加左四日三夜既local tour去Banff, 因為好多朋友出力推介要去呢個地方, yeah, gogogo!!!!!

沿途經過Merritt, Kamloops

參觀Ginseng Farm製作工場

Eagle Pass, Last Spike