19/9/2009     星期六    

自從知阿欣將會搬入呢個700呎既村屋單位, 即係意味住我地又多個私竇, 真係勁開心.

唔係第一次上黎阿欣個新居, 但今次呢個house warming最窩心, 皆因有好美味既住家飯食, 特別有家既感覺, 正............

阿欣親自下廚, 十萬個唔好意思咁晏先到, 幫唔到咩手, 辛苦晒.

(閱讀全文)

8/8/2009     星期六     

成個月前plan定既扮野私淫派對, 終於舉行啦!!!!

今年又為年年25歲既joe law同美女廚神tata慶生, 我地班嘩鬼點會比佢地咁好過呀, 一定大有搞作.

由朗奴仔提供, 主題係"我最愛的職業", 點瘋狂發睇下就知.

~~~~~ SHOW  TIME ~~~~~

(閱讀全文)

1/5/2009     星期五    

等左好耐既太陽伯伯終於出現啦!!!

感激Donald為我地安排坐獨木舟玩浮潛睇珊瑚, 呢個勁好玩既水上活動.

參加人數共有十一個, 有幾位係新相識既朋友仔, 大家都玩得好投契.

一早到達士多, 租艇, 換衫, 鎖好貴重物品, 準備出發.

(閱讀全文)

13/2/2009     星期五    

呢位咁得意既小朋友係邊位???

好友Sindy & Paul既寶貝仔, 叫"雷朗熙", 剛十九個月大精靈活潑, 樣子似足爸爸, 性格就遺傳左媽媽都係好動派.

記得06年尾我請左兩位幫手搬屋, 點知一個星期後, 有人同我講話有左三個月BB, 當時我個反應係O晒咀, 大叫"有左", 差D嚇暈, 眾所周知有左BB唔可以做粗重野尤其是頭幾個月, 佢仲幫我行好多層樓搬屋, 一直都好擔心佢個胎, 直到BB順利出世我同joe law先可以放下心頭大石, 再見埋而家既小熙熙真係好安慰.

(閱讀全文)

23/1/2009     星期五    

年廿八節目真豐富, 血拚完, 食團年飯, 再去維園行花市.

今年同以往一樣特式攤檔欠奉, 賣既都係牛年做主題既毛毛公仔, 吹氣公仔, cushion, 雖然係咁, 行年宵已經係中國人既習俗, 每年都會去湊熱鬧感受下個氣氛, 今次仲有包包及anita同行, yeah!!!!

最大收穫係買左盆富貴菊, 希望順利種到過埋年啦.

(閱讀全文)

27/12/2008     星期六         

食完野, 又到交換禮物既開心時刻啦.

Junet & Winnie

(閱讀全文)

27/12/2008     星期六    

聖誕佳節, 咇咇焦慘成搣焦, 何解???

本來一早約好去江家咇咇焦, 但出門時分別收到安信姐妹既放血消息, 有人流血不止, 有人發出淒厲叫聲, 總之情況相當嚴峻, 唯有叫joe law踩行油飛入去案發現場.  到達元朗見姐妹們臉色蒼白, 神情呆滯, 語無倫次, 幸有甜品補充先可重新振作.  可憐既係, 安信姐妹一心想幫我放血, 等我唔好谷住谷住, 點知我令大家失望, 無血流成河.  自從葵涌廣場一役, 各人似乎對放血有d上癮, 無時無刻都想放, 就算見到其他人流血都一樣興奮; 連剛好既傷口都有搣開既衝動, oh.......no........

(閱讀全文)

3/11/2008     星期一    

同joe law去左馬鞍山恆安體育館打羽毛球, 一打就兩個小時, 難得book到場, 當然要玩盡d. 

今次有joe law充當教練, 主要練習多用手腕力去打及控制球既方向, 比起星期六同班高手打輕鬆好多.  反而教練就好吃力要左右走餵波比我練, he he......

(閱讀全文)

25/9/2008     星期四    

呢幾日發現屋企十多支既沐浴露存貨都用晒, 每次行街都唔記得買, lunch果時同太郎爸傾開電話, 就千叮萬囑叫佢買回來. 

當晚佢每心歡喜同我講買左支好特別既沐浴露, 一睇原來係"碌柚葉沐浴露", 哦......果然未聽過.  但再睇下個樽身, 唔見有提及邊到做, 係呢個咩都有問題既時候, 個心有少少驚, 會唔會係國內產品, 又唔知有無加到d咩工業用既原料落去呢, 心中忐忑不安, 我個人都幾有冒險精神, 即刻走入去沖涼試試先, 用後感皮膚無痕癢或敏感, 仲有少少清涼既感覺.

(閱讀全文)

24/9/2008     星期三    

今年颱風真係特別多, 早兩日黑格比到港, 天文台於下午六點懸掛八號東北烈風訊號, 至清晨六點除下, 對一眾打工仔黎講都有點兒失望, 皆因之前北冕同鸚鵡兩者都為我地帶黎一整天既風流假, 作為一個颱風都算唔話得, 感激不盡.

(閱讀全文)

25/9/2008     星期四    

終於去左電髮,  每次電髮都要搞上幾個鐘, 諗起都有d怕怕, 今次亦唔例外由6:30開始足足整左4個鐘, 夜猛猛坐係到睇八卦雜誌, 空著肚子, 個頭捲住好多髮圈既我, 個感覺好悽涼好無奈.

已跟呢位髮型師好多年, 所以深知佢既性格, 每次都好用心去剪好細心, 但有時都幾拾下, 溝通上好多時都會有不少既笑話.

(閱讀全文)

/9/2008     星期一    

接了好友包包既Blog Tag......

1. 你自己的最大缺點？

我個人滿身都有缺點, 好多時口不擇言, 得罪人都唔知, 個性急躁, 容易發脾氣, 無耐性.

2. 你最鍾意什麼活動／運動？

喜歡戶外活動 : 游水, 遠足, 露營, 跑步, 羽毛球, 乒乓球, 跳舞, 攀石, 溜冰, 不能盡錄, 有得玩就鍾意.

(閱讀全文)

26/8/2008     星期二    

早兩日八點鐘到, 正忙於梳洗趕返工之際, 收到個無厘頭既電話, 對話如下 :

我            :       喂   

tracy       :       我係tracy

我            :       tracy, 邊位tracy呀       

tracy       :       tracy呀, ah ben太太呀

我            :       哦……ah ben太太, ah ben無咩事ma  

tracy       :       無事, 打比你有d冒眛, 唔好意思

我            :       唔緊要, 你講呀

tracy       :       想問下你早兩晚係咪同左ah ben去買野

我             :       下……買咩呀, 我好耐無見過佢啦, 點會同佢去買野     

tracy        :       哦……係呀, 咁無野啦

(閱讀全文)

25/8/2008     星期一         

終於完成埋最後呢個階段啦, 好野........

6月尾一個晚上半夜三更突然左邊既大牙好痛, 輾轉都無法入睡, 唯有起身食止痛藥; 第二日返工都無精神, 因為左邊面係麻痺, 連個頭都好痛, 仲要等放工先可以去搵牙醫, 睇完佢話係有隻大牙蛀左入根, 引致牙根急性發炎, 建議要"杜牙根", 聽完都嚇到眼睛反白, 雖然一向唔太驚睇牙醫, 但聽完佢講個過程真係笑唔出.

(閱讀全文)

22/8/2008     星期五    

我本人對雀鳥唔太有興趣, 但係對呢隻鸚鵡就非常歡迎, 作為一個打工仔, 因為佢既到訪而帶來一日風流假, 真係多謝晒.

早一日已約好包包去奧海城睇戲, 睇完戲再會合呢兩位歌王junet & ronald一齊唱k, 唱完又拿拿聲趕去包包推介既力奇打邊邊, 呢到d美食認真唔錯.  大家傾開又想出去尖沙咀碼頭感受下九號風球既威力, 一於食完出發.  街上人影唔多, 但就有幾個camera係到影緊, 我地用盡方法博上鏡, 場面搞笑.  不過比雨打埋塊面同個身又真係幾enjoy架.

(閱讀全文)