17/10/2009     星期六    

二零零七年七月某夜, 男場主執到三隻估計只有三個月大的唐狗bb, 其中兩隻啡色, 另一隻係白底帶少少啡, 樣貌極似一隻小狸貓, 好可愛.

場主為方便辨認取名為  :  中中, 發發(Joey), 白白(覺寶).

中中與發發係同胎姊妹, 中中入場無耐已被有心人睇中, 係第一隻被領養的幸運兒.

發發即小女Joey, 七個月大時無意中見到佢d靚女相而被吸引.  在無把握情況之下同joe law商量, 估唔到佢又同意養多隻狗狗, 但佢鍾情於覺寶, 各執一詞好難作出決定, 最終當然係我贏左啦!!!!! 

(閱讀全文)

18/7/2009     星期六         

好耐無入去錦田狗場探下班狗狗啦! 

每次入去都好親切, 未到門口遠遠已有幾隻PR狗出黎迎接, 感覺好好.  入場工作主要幫狗狗們沖涼, 餵雞條, 拖繩, 影相, 希望令佢地接觸多d人, 同感受下被人錫既感覺, 從而増加被領養既機會, .

呢到係Joey(發發)既娘家, 有時間希望多d黎幫手, 特別掛住係Joey既青梅竹馬兼隣居朋友仔"覺寶", 佢係一隻好活潑可愛既狗狗, 可惜仍未遇到有緣人.

(閱讀全文)

25/4/2009     星期六    

又係下雨既星期六, 悶透!!!!

天氣雖然差, 但可以帶思思參與狗教授既Fun Day, 令我有點欣慰及興奮~~~~

由於活動一般安排在星期一至五學生們返學既日子, 即等同要開工既時間, 所以甚少有機會親自陪思思出席.

探訪既係沙田博康村, 保良局朱正賢小學, 距離屋企只有二十分鐘車程, 十分方便.

(閱讀全文)

31/1/2009     星期六    

忙碌既星期六~~~~

上晝去完彭福公園玩, 回家稍為休息一陣, 又要為思思Dr. Dog出勤作好準備啦!!!

約左妹妹一齊出姊妹更, 探訪地點依然係黎過好多好多次既瑪嘉烈醫院骨科及腫瘤科, 唔知係咪呢對"黑白雙煞"好易認, 護士姐姐同嬸嬸每次都好熱情咁要求拍照留念, 感覺好親切.

(閱讀全文)

14/11/2008     星期五    

思思又要出勤參與狗教授既活動, 可以入以下網址了解活動詳情 : 亞洲動物基金

今次再去位於馬鞍山既靈糧小學, 由於距離屋企車程只須八分鐘, 為求方便, 呢到會係我地既首選服務學校.  一早為思思準備好圍巾同工作証, 每次一帶上佢就會精神抖抖, 好似知道要為小朋友服務, 好神氣.

(閱讀全文)

8/9/2008     星期一    

上星期小陳風塵撲撲由四川歸來, 一直都忙著公事不敢打擾, 今日終於有機會分享下四川之行既點滴, 基於義工團體要求, 我亦好欣賞佢地低調既處事作風, 做左善事都唔想出名, 只想真心幫有需要既人.

義工團抵達綿陽市安縣, 探訪當地災民既營舍, 主要了解災民的心理, 透過接觸, 溝通, 安慰及傾訴, 希望藉此表達對他們既關懷.

(閱讀全文)

30/8/2008     星期六         

思思好耐無出勤啦!!!  相約好妹妹一齊去瑪嘉烈醫院, 今次Dr. Dog探訪骨科及腫瘤科的病人, 由於係星期六病房塞滿了病人家屬, 氣氛相當熱鬧.

介紹思思給每位有興趣既病人, 佢地好樂意同思思接觸及分享養狗心得, 大家都打成一片, 而思思既注意力大多集中係食物方面, 開緊工, 唔好咁餵食啦, 肥妹.  同行既妹妹好受歡迎, 好多人都驚訝唐狗都可以咁乖咁靚女, 妹妹仲表演用鼻頂雞條既絕技, 掌聲不絕. 

(閱讀全文)

26/8/2008     星期二         

四川地震已發生三個多月, 現在仍有不少團體為災民重建家園, 我公司聯同香港志願組織一行四十人義工團, 為幫助災民心靈及重建工作出一份力.  公司有千幾人要甄選兩名同事做義工代表一d都唔簡單, 要性格外向, 高EQ, 有團隊精神, 懂得以鼓勵, 啟發, 帶動形式, 幫助災民組織參與相關的音樂, 舞蹈, 體育等活動, 幸運地我老友小陳就係其中一位,  本來係我提議佢一齊報名參與, 到交表格時我放棄左, 理由係我過唔到要考普通話呢關, 好好彩佢又真係得左喎, 對佢我有一份歉意亦因為佢可以參與, 我亦覺得光榮.

(閱讀全文)