14/10/2009     星期三    

時間真係過得好快, 唔經唔覺太郎仔六歲啦!!!!  

佢既性格似乎無變過, 始終都係一隻出晒名既"頑皮仔" 及 "波怪".

呢幾日重溫太郎兒時既相, 由第一晚抱回家紮紮跳個樣到現在, 每次睇番都咁回味, 咁窩心.

有幸遇到呢隻曳仔, 令我地生活好充實, 好開心.

曾承諾過會親手做生日蛋糕, 早幾星期已跟食譜試左幾次, 終於比我成功左啦!!!! 

個滿足感大到呢, yoyoyo~~~~~~ 

(閱讀全文)

24/4/2009     星期五    

沉悶既春天, 天氣潮濕又下著濛濛細雨, 令人透不過氣來. 

近日每逢週末都下雨, 最受影響的當然係三隻馬騮, 落雨無街去.  狗都癲啦!!!

三位老細有無窮既精力, 無街去既日子點過???

某一個下午, 終於將所有不滿, 鬱結, 怒氣, 一一宣洩出來.

而發洩對象係我用左幾次既雅芳婷多用被被芯.

(閱讀全文)

4/4/2009     星期六         

百厭星Joey兩歲啦!!! 

時間真係過得好快, 回想當日由狗場收養Joey(發發)只有七個月大, 一臉傻氣, 現在已溶入羅家, 變成一隻不折不扣既反斗星.

祝祖兒健康活潑, 聽教聽話, 增肥成功, 越大越靚.

(閱讀全文)

23/1/2009     星期五    

嘩........時間過得好快,  六歲啦!!!

1月23日係愛女思思生日, 果晚我地行完花市再返屋企慶生; 一早搵左美女廚神anita訂左個健康又別緻既 Fresh Fruit & Yogurt Tart, 唔使五分鐘個蛋糕已經比佢地完全摧毀.

祝思思身體健康, 明艷照狗, 瘦身成功, 父母錫到燶.

(閱讀全文)

19/1/2009     星期一    

經布甸ma介紹係雅虎網bid左3條VW圍巾比羅家三傻.

整個過程只需3日, 賣家效率非常之高.  最開心係實物比相更靚. 

(閱讀全文)

4/1/2009     星期日    

Joey入左羅家門都有一年多, 但對於陌生人始終存有好大介心, 每星期去行山遠處留意到有人走近, 佢都會第一時間夾尾繼而標入草叢躲避, 待人群散去後先出來; 今次唔係潛入草叢係跑上斜坡, 由地面走到20幾呎高, 係上面來回踱步, 之後會係又直又高位到衝落地面, 超驚嚇.

行得好端端的

(閱讀全文)

15/12/2008     星期一    

放工入左西貢市行街, 有間舖專賣寵物衫大細狗size都好齊, 好開心比我發現有件衫仔好岩Joey, 衫身長度同頸位都fit晒佢. 

好叫磨刀出黎示範下先.

衫樣

(閱讀全文)

26/11/2008     星期三    

咦~~~

又有兩件新衫係邊個呢

原來橙色呢件係思思的, 絲絨質料好靚好舒服, 胸前位係用啪鈕做, 岩晒身形圓潤既肥思, 背部有個牌子名做圖案, 真係一絕.
好想自己都有一件咁靚既衫呀.

(閱讀全文)

25/10/2008     星期六    

每次去旅行都會將三隻馬騮送去狗酒店寄宿, 今次好開心可以親身去接佢地, 第一時間見証呢幕咁動人既一刻.

呢間位於西貢既狗酒店, 已住過兩次, 各方面都ok.

(閱讀全文)

25/10/2008     星期六    

剛係日本返港, 好開心今次可以搵到大狗衫買, 每狗一件冬裝, 質地係薄身既抓毛, 顏色配搭亦搶眼; 日元雖然上漲, 但計落都只係港幣70元左右, 好超值. 

為今年既camp作好準備, 隨時出發.  這個冬天不怕冷囉.  hoho~~~~

(閱讀全文)

12/10/2008     星期日    

不經不覺, 太郎仔五歲啦!!!!

回想起當日經朋友介紹去粉嶺寵物店睇金毛尋回犬, 我地懷著緊張及興奮既心情; 有位先生抱住一隻肥do do樣子好可愛既狗狗入黎, 呢隻狗狗好頑皮一落地就尿尿, 店主就用地拖清潔, 點知呢隻曳仔就追住個地拖又扯又咬, 氣得店主呱呱大叫, 之後發現有新玩意, 好開心咁咬放係貨架上既狗糧袋, 眾人都捧腹大笑, 可能因為咁令我同太郎爸都留下左深刻印象.

(閱讀全文)

31/8/2008     星期日    

話說4-7號我地會去旅行, 當然要安置好三位老細先玩得安心啦, 今次我地打算將佢地寄宿係西貢某狗酒店, 早幾日都去觀察過環境, 各方面都幾滿意.  由於係第一次入住, 酒店方面都好嚴謹, 要求我地出示狗牌, 針咭, 瘋狗針等資料.

哈哈!!!   返到去check番, 太郎同思思所有文件都齊晒, 致於Joey既狗牌都係岩岩拎到手, 但針咭入面只有打心絲虫針既紀錄, 一直都無打過混合針, 兩個都O晒咀, 即係話佢由bb到一歲零四個月都無打過, 好彩呢段時間無病無痛, 否則真係內疚.

(閱讀全文)

31/8/2008     星期日    

領養Joey已接近一年, 由於是狗場領養回來的狗狗, 所以狗牌轉名手續就有少少複雜, 期間要經漁農場及SPCA等部門, 幸好得到義工Salina的跟進及幫忙, 手續得以順利完成, 再次多謝Salina.  

今日天氣炎熱, 朝早去元朗接埋場主一齊到上水狗房辦理轉名手續, Joey(發發)亦有同行, 可能佢都記得呢位救命恩人, 一見面不停擺尾比上一次既見面熱情左好多, , 整個過程大約半個鐘完成. 

Joey正式成為羅家三小姐啦!!!!  Yeah……

24/8/2008     星期日      

天朗氣清諗住帶三隻馬騮出去行山, 玩水, 點知換好衫準備出門之際, 突然落雨, 好掃興, 佢地當然無晒心機, 比個悶樣我啦.

下午陽光又再出現, 當然要落去玩番轉, 太郎視波如命, 玩左一個鐘就伸晒脷.  返到屋企見有血腳印先知太郎既前掌受左傷, 成塊皮起左(有2毫字咁大)流緊血, 幫佢消毒同包紮傷口時勁掙扎.  估計呢幾日都要休息等好番先再比佢出街, 希望快d好番, 星期日可以出去游水水啦.  

唉........自己整到都無咁痛, 傷在佢身, 痛在我心.

(閱讀全文)