17/9/2009     星期四   

期待已久既林海峰talk show終於做啦, 有幸買到飛睇第一場, 好開心呢.

今次約埋包包, 甸ma, winnie一齊欣賞, 睇之前梗係要醫下肚先, 去左好近紅館既都會商場"又一店", 最愛呢到既小籠包皮薄餡靚.

(閱讀全文)

27/8/2009     星期四    

安信姐妹又出動啦!!!!

感謝朗奴帶我地去左一間潛水用品店購物, 我唔識潛水只係想買件長袖防曬衫去玩獨木舟用, 果然係平靚正, 好滿意.

買完野一行七人, 當然又去密密食, 今次去好多食評都勁讚既"軍記", book左檯都要等, 好虛墟.

好多招牌菜, 樣樣都想試, 點揀呀.

青紅蘿蔔湯

(閱讀全文)

17/7/2009     星期五     

今次由阿欣出力推介呢間位於元朗馬田路既"小金井"日本料理, 最吸引之處係十人以上, 可以安排一間無限時既房, 岩晒我地呢班傻人, 唔怕因為太喪太嘈, 騷擾到其他食客. 

初時抱住不防一試既心態, 點知食物質素相當好wor, 刺身夠新鮮, 熱食款色多又新, 有驚喜.  good~~~

(閱讀全文)

10/7/2009     星期五       

七月有四位朋友仔生日, 分別係包包, 布甸ma, Winnie, 仲有Junet既堂家姐Winnie Fung, 好熱鬧呢.

好耐無試過咁齊人食飯, 又可以癲番晚啦, yeah~~~ 

由包包提議去佢同學仔何師父間舖食日式串燒, 呢間位於炮台山"醉燒亭"同之前係西環既嵐川裝修好相似, 食物質素一樣咁好味.  包包好細心一早已通知何師父入定d美食比我地歎, he he~~~  

(閱讀全文)

24/6/2009     星期三     

去完體驗豬流感之旅返黎被迫隔離七日, 留係屋企.........悶爆, 捱到第三日忍唔住同d朋友仔出黎濕下平, 聚聚.

好耐無咁齊人食飯, 今次六月之星係時時都笑聲不絕既美少女Junet.

由壽星女提議去位於黃埔花園"金葉子", 呢到係任叫任食泰國菜, 食物質素唔錯, 每位都係百幾元, 勁抵呀.

(閱讀全文)

29/5/2009     星期五     

買完海味會合埋甸ma, 又一齊去食好野lu.

上次光顧呢間舖已經係兩個月前既事, 最回味個石榴布甸, 又香又清甜, 食一個係唔夠架.

呢到主要係賣街頭小食, 但由於老闆娘為人認真, 對食物質素要求很高, 每樣野都有獨特既見解及煮法, 令普通既街頭小食變得不平凡, 係一間頗具特色既小店.

(閱讀全文)

24/4/2009     星期五     

再次光顧隣近天后既"金凱鮮庭", 皆因喜歡這裡有來自不同地方, 種類既蟹同海鮮比我地班餓底選擇.

雖然此店很小座位有限, 反而有種說不出的溫暖感. 

當晚一行八人係一片歡樂與感動中渡過一個窩心既晚上.

送上少少心意, 係甸ma既心水推介, 施華洛水晶出品Ladybird頸鏈連吊咀

(閱讀全文)

13/4/2009     星期一     

假期最後一天, 原本約左Junet, Ronald & Donald去東龍島一天遊, 點知天氣報告話有雷暴只好將行程取消啦.  但上晝竟然放晴, 唔通個天要玩下我地. 

放假點可以無街去, 大家商量之下決定去Junet屋企玩美女廚房.  ha ha.....

最驚喜係可以一嘗Junet媽咪既手勢, 仲有Winnie Fung & 包包.

(閱讀全文)

10/4/2009     星期六     

返工就等放工, 放工就等放假; 連續幾日既Easter Holiday, 一於要玩盡d!!! 

相約左班好友聚下, 放縱下, 美食當前唔理咁多, 食左先講.

wooo~~~~

(閱讀全文)

13/2/2009     星期五     

Black Black Black Friday!!! 

House warming~~~~

好友Sindy & Paul藍田新居.

打邊邊成員有八位Pips, Edward, 老周, Carrie, Joe & Me,

雖然我地八個大人, 但似乎準備左十個人既份量, 大家食到肚滿腸肥, woo.........

呢班人又係同海鮮有仇, 咩海鮮都唔放過.

(閱讀全文)

23/1/2009     星期五     

去完MS血拚, 一齊去食團年飯lu.

今次試既係位於北角既金凱鮮庭, 雖然舖仔細細, 但海鮮種類好多, 滿足晒我地五個人既要求.

(閱讀全文)

31/12/2008     星期三    

除夕夜約左安信姐妹包包, 妮妮, 布甸ma, Amanda去灣仔放血, 妮妮再次成為大贏家, 勁呀, 皆因佢身型fit爆, 著咩衫都咁好睇.

濕到八點去榮興小廚食飯, 多得布甸媽預早訂左位, 真係坐無虛席. 

(閱讀全文)

14/12/2008     星期日    

放完狗, 同joe law傾開想買野係天台bbq, 但又想食麻辣火鍋, 諗起食辣野又點可以無好友包包, 即時約好去試位於尖沙咀既滿江紅, 聽個名都覺得辣呀, 今次唔知會唔會辣爆個咀定係毛孔都會歡呼呢? 

鴛鴦鍋底
麻辣 + 清湯 (有蘋果, 蕃茄, 紅棗好清甜)

(閱讀全文)

26/11/2008     星期三    

好想好想減肥, 但又抵受唔住美食既誘惑~~~ 

天氣開始轉冷, 有咩開心得過一班好友圍埋一齊打邊邊; 第二次黎新明記感覺一樣咁人山人海, 坐無虛席, 門口迫滿等位既人, 好熱鬧.

今次開心組合有出番山既令唐, winnie, 包包, 布甸媽, anita, color ma & color ba, joe law要返夜無份去(佢一定好唔抵得), hohoho~~~

豬骨煲做湯底, 味道很濃, 食物種類很多而且新鮮, 最愛蝦滑同鮑片, 美味之選.

(閱讀全文)

19/11/2008     星期三    

約左Ray哥, Ray嫂, Jenny, 阿昌, Dicky, 由於今次Ray哥係答謝Jenny同阿昌既幫忙,  所以專程入錦田請客.  阿昌拎左3支酒招呼我地, Jenny對紅酒有相當既認識, 逐一為我地詳細介紹酒既來源, , 年份, 產地及品嘗既方法, 原來真係有好多學問, 令我地穫益良多. 

(閱讀全文)